Ina A Bae, Ama A Datu

~ (Inisurati Aum Mram)


Inako si abie gosi omie m‘raga-ragat siran,

Initagak ako ko mga loks a daa rowar iran–

Iphangilay ko limo a daripada ko Kadnan,

Ino mambo so dowa loks aya‘ko kiyakadnan.

Na maka sil‘p ako sa sawaw ka si ina a loks–

Na mat‘pd so kanoko ka gilatani ina a loks,

Na diko khabukaan siko-e ama loks sa kilida ranaw,

Na giako phaiguwani ama loks aya rak‘n marinaw.

Anda-e tumo na siran man ni tumo-ong ko!

Abie, omie, kiya loksan man so mga apoko–

Aya niyo man pakasasawita ko kabaya iran,

Ad‘n bo a oras a mapha-gitud tano siran,

Anda tano pha-khowa sa izsambi kiran,

Ad‘n bo a map‘khinang-lan tano kiran, 

Amayd‘n ko sumambi so mga ragon–

Aidaw, aidaw na marg‘n go kanogon!

Mananagon-taman ako palap‘n ka manapi,

Manogod aya ‘ndo na ‘ndalimakot darapi,

Masiyonot‘n nago mananaran sa katapi–

Miyasawang oba ‘rki ta kha-da so kanapi!

Ayako miniplayok so dowa loks nago palatiko,

Adi d‘na-e khapta so gagaw iran ‘go limo iran ko,

Apo iran a sak‘n aya, nago mala kiran-e ranon ko,

Alongan a gii‘ko siran ipamangni ko Tohan ko!

Ina a bae ‘go ama a datu– miyamboway kano,

Piyasurga kano o Allah, Allahumma ameen.

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: