“Salamat”

~ (Inisurati Aum Mram)

Salamat rka ‘Ina’ ka inikaritan akongka,

Salamat rka ina ka kadako t-ng-gawa

ka liyokupan akongka siiko mga kagagawi-i

nago darka makaong-n so toratod ka.

Pramigan dika phaka-ami igira komiyan ka

sabap rakna tagoraok igira miya-or!

‘Ama’ salamat rka ko dangka rkami kindarainon-n.

Inogupan ka si ina ko kiya-oyaga rakn.

Pramigan dika phaka-otu sadingka dikazo-sokat

ko pag-pr o ‘Kadnan’ oriano kinitind-gn ka ko

sambayang a sowa-sowat iyo ki ina ko ‘Allah.’

pkasabapan ko limo Iyan ko mga kaadn Iyan!

Layok nago mga pagariya na salamat rkano mambo...

ka kiasabaran iyo so mga daakn rkano misowat.

Kna oba akn skano da paginon tulan-n sa pantag.

Aya bnar na daa manosya aba miyaka-lngan ka

langon a tao na adna paawing iyan.

 Riladn mambo so daniyo rakn misowat!

Alhamdulillah! Ya Allah, Ska-i l-bi akn a phanalamatan.

Diko zsabotn tonaa-i hikmat Ka ko btad akn ogaid na,

dirakn patot obako di tarimaa so panduwan Ka rakn.

Salamat Rka ko ina nago ama akn, so layok nago,

mga pagari akn nago so langowan a limo Ka rakn.

Alhamdulillah, wa-shokrolillah ko langowan taman!

Mathay, magaan go rasay malbod...

So kapapatay go kaoya-uyag sii sa donya...

langondn anan limo nago rk-o Allah a para...

ko mga manosya, ka-an tano maka panalamat!

Alhamdulillah, wa-shokrolillah ko onaan go oriyan!

Alhamdulillah, wa-shokrolillah ko langowan taman!

Ayakodn pada-adat ko mga loks nago langowan a…

mining garing sa ayakodn panginam sa alongana maori.

Makam-babarat mowa tano sa kapipiya ginawa.

Pagawaan a donya sa masosowat nago di-masosowat.

Omani isa na pagn-dod sa hadapano Miyangadn.

Adna mithagompya nago adna mianga lalapis.

Tomoa-i, tomoa-i dn so mathangka a btad...

ka daa ba ta ridoway, nago daa barkta ikhasigi...

inonta naso ‘Tonganay / Layok’ a thito a khazasarigan...

babid ta ko makhap nago maphn-d a pagawidan...

na sii kodn pagayana so sariyat akn mga layok...

Salamat rka hay pagariya sa dangka rakn kaawata!

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: